Häzirki döwürde jemgyýetiň we maşgalanyň iň esasy meseleriniň biri hem „ýaşlaryň terbiýesi” meselesidir. Jemgyýetde özleriniň haýsydyr bir bähbitleri, meýilleri we maksatlary bolanlar, bu pygyllaryny amala aşyrmak üçin esasan ýaşlary ulanýarlar. Şonuň üçinem ýaşlar her dürli zyýanly işleriň içine çekilmek islenilýär. Alkogolly içgilerden narkotiki serişdelere, inkärçilikden aňyýete, garaňky dünýäden açyk protestlere çenli her hili zyýanly işler ýaşlar arkaly amala aşyrylýar. Gepiň gysgasy, jemgyýet we maşgala „ýaşlaryň terbiýesi” meselesinden ejir çekýär. Häzirki döwürde ýaşlaryň öňünde iki sany açyk howp dur. Birinjisi, inkärçilik we ynançsyzlyk düşünjesi. Ikinjisi hem erkinlik, düzgün-tertipsizlik we „Maňa näme?” diýen düşünjedir. Bularyň ikisi hem jemgyýetiň ruhuna we döwletiň asudalygynyň köküne palta urýan zyýanly zatlardyr. Şonuň üçinem häzirki döwrümiziň iň esasy meseleleriniň biri ynanjyny ýitiren, durmuşdan öýkeli we jemgyýete garşy aýaga galan ýaş nesliň gözegçilige alynmagy we halas edilmegidir. Ine, eliňizdäki bu „Düzjeli Mehmet” atly kitap hem bu meseleleri çözmek üçin çäre hödürleýär we çözgüt ýollaryny görkezýär. „Düzjeli Mehmet” kitaby inkärçiligiň we erkinligiň içinde ýetişip, jemgyýet üçin howply ýagdaýa gelen bir ýaş ýigidiň nädip halas bolandygy barada gürrüň berýär, täsirli we göreldeli wakalary beýan edýär. Bolup geçen wakany mowzuk edinen bu kitaby okaýan mahalyňyz, siz munda „ýaşlaryň terbiýesi” meselesiniň çözgüdini tapyp bilersiňiz hem-de tolgundyryjy wakalar sebäpli gözleriňiziň ýaşyny saklap bilmersiňiz.
Düzjeli Mehmet özüniň uniwersitetdäki wakalary we Düzje ýer titremesi betbagtçylygy bilen, size ýadyňyzdan çykmajak dersler berer.
Kitabyň okyjylara peýdaly bolmagyny dileg etmek bilen...
